ferradura en tránsito

Insistirei. PERO QUE NARICES PASA CO XABARÍN DAS TARDES?

Porque os nosos fillos teñen que resignarse a unha horiña polas mañás mentres almorzan?

Xusto cando están na casa, non teñen nin un minuto de programación para eles!

É certo que as outras xeneralistas tamén son moi deficitarias en atención á progración infantil. Pero o rapaz ten onde escoller, sempre haberá algunha que, aquí ou acolá (dixital, analóxica, de pago...). Se se trata dun castelánfalante, no problem. O problem vén se é galegofalante. E ese problem é moito problem, interprétoo como unha descastada tentativa política de que o rapaz entenda que falar galego é problemático, non tes as mesmas oportunidades.

Descastada? Quedeime curto.

E Política Lingüística coa boquiña pechada? Como se pode entender tamaña desatención, tamaña deixación de funcións ... non lembro que nunca, nunca, dixera nada a respecto do comportamento da CRTVG co  lingua galega.

Dimita, señora Directora Xeral, non roube máis os cartos do contribuínte, que deben servir para pagar a alguén que de verdade sinta  a lingua e traballe por ela.

Unha das satisfaccións máis grandes da miña vida é criar ao meu fillo en galego. Xa non por militancia, por simple decencia e sentido práctico, porque non se pode entender ben o mundo desde unha expresividade reducida pola deficiente capacidade para atender e entender o que ten ao redor. Por honradez.

Entenden o que é iso,  señores da TVG e da DXPL ?, honradez...criar ao meu fillo en galego malia que quen tiña que axudarme non deixa de poñer cambadelas, e quen tiña que axudarme está pagado con cartos públicos...

Ah, señores, vostedes escandalízanse se oen falar de maltratos aos que veñen de fóra...

Xa, non lle dou valor ningún á súa escandaleira, porque ser humanitario debe ser normal, non unha excepción

E moito parolan de integracionismo, que hai que integralos etecé etecé...Paráronse a preguntarlles e queren integrarse?..Por certo, se a integración non comeza pola cultural non pasa de ruído idiota...

Xa, e cos de auquí que? De cantas bolsas dispoñen os nosos rapaces para inmersión lingüística en inglés? E en galego?

Terrorismo cultural. Puro terrorismo cultural.

Que era o que opinaban vostedes dos terroristas?

chúzame