ferradura en tránsito

comezo hoxe a ler esta novela do finado Antón Risco.

son moitos os textos de Antón Risco que fican aínda inéditos.

por unha banda é unha mágoa, porque non se trata de versións definitivas e iso nótase.

mais por outra é unha inmensa sorte. Risco, sobre todo, gustaba de experimentar coas estratexias discursivas. abres cada título seu coa emoción de atopar algo diferente e non te equivocas. por iso escollín este título, que recén recibín. no panorama da novela galega fago moito de menos aquel carácter experimental que durou deica inicios dos 90 e esmoreceu despois.

curiosamente a estética desta novela non é nada novo, mais parecerao. aínda que non deixo de recoñecer os esforzos, o certo é que a novela de inicios do século XXI é menos anovadora que a que rematou o XX, formalmente máis predicíbel. cando menos polo momento.

chúzame