nova experiencia-aventura, literaria e na rede
Tamén con alumnos de 4º ESO. Dura a actividade 50 minutos.
Traballamos dous conceptos.
Un de lingua (lexislación sobre o galego, estamos no derradeiro tema).
Outro de literatura: o concepto de xénero
-qué é poesía
-a importancia do rítmo na poesía
-distintas concepcións do ritmo
-qué é o conto
-como é o conto do século XXI.
A lexislación traballárona os alumnos desde aquí
despois de crear un documento en word (en lugar do caderno) no cal van tomar apuntamentos e traballar.
Vamos coa literatura.
A xente adoita vivir a cultura desde preconceptos enganosos. Hoxe, son un auténtico perigo.
Xa traballaramos antes sobre o concepto de poesía. Hoxe imos facelo sobre a forma da poesía.
Pedímoslles aos alumnos que entren na home page de The Homens
aí entrarán e descarga, despois, á dereita, xusto debaixo da foto, en letras de tres.
Accedemos a un pdf coas letras. Pídolles aos alumnos que lean e copien Cen días.
Pregunta: é isto poesía?
Respostas para todos os gustos. Todas condicionadas pola forma.
Tarefa: Versificáa segundo vos parece que debería ser, chamarémoslle texto A
Unha vez que o fan, escoitamos a canción. Agora teñen outra percepción do ritmo.
Posteriormente pídeselles que vaian versificando, sobre o texto orixinal, mentres escoitan outra vez (tarefa sinxela, case abonda só conpremer intro). O resultado é o texto B.
Finalmente, por correo electrónico intercámbianse os diferentes textos A de xeito que cada un deles poida contrastar o seu ritmo inical co doutro compañeir@ (abonda que sexa só con un/unha).
Faise o mesmo co texto B.
Pregunta para debate: se se vos propuxo o mesmo texto, como é que atopastes tantos ritmos diferentes?
Pregunta para debate: é isto poesía. Respota razoada na folla word onde toman apuntamentos.
É agora cando traballamos o relativo á lingua. Logo da experiencia da diversidade-unidade.
Pídeselles que copien do enlace de lingua, a lexislación xeral básica vixente sobre o galego
Pasamos a conto. Sobre o que operan preconceptos idénticos.
Pïdeselles ao alumnos que vaian a besliscos pequenos, alí entrarán nas historias eléctricas.
Alí escoitarán-lerán verde escuro e transmisión.
Velaquí quizá a forma máis vangardista de conto.
Porque son contos. Alguén ten dúbida? Razoade a resposta.
chuzame - 4 Comentarios »
Fonte RSS para os comentarios desta anotación. TrackBack URI
Deixa un comentario
Os saltos de liña e parágrafos son automáticos, os enderezos de correo electrónico nunca se publican, as etiquetas HTML permitidas son: <a href="" title=""> <abbr title=""> <acronym title=""> <b> <blockquote cite=""> <code> <em> <i> <strike> <strong>
Maio 15th, 2008 @ 10:59 pm
Pois estamos moi orgullosos de que as historias sirvan tamén para aprender. Xa llo comentarei ao Pastor, que bo trabllo que lle deu montar son, video e texto.
Maio 16th, 2008 @ 10:29 am
Por suposo, parabéns.
Ademais de para aprender ( un aprende mesmo dos erros )
gustan (non só o digo eu, tamén os alumnos) están na vangarda formal do conto.
Maio 16th, 2008 @ 10:06 pm
Cando fixen estes pequenos contos nunca pensei que poderían chegar a ser un exemplo para os rapaces. Alégrame moito e penso que é moi importante que os rapaces se acheguen a novas formas de narrar e de contar.
Un saúdo.
Maio 16th, 2008 @ 11:12 pm
O que se fai con paixón, con humildade e crendo no que se fai, sempre é un exemplo. tanto como ti te alegras, alegreime eu a primeira vez que os lin. quero que saibas, tamén, que o efecto que lles produciu foi intenso, nin rebulían de atentos que estaban..
ESforzos como o teu fan posíbel que poidamos presumir de modernidade diante deles, o que é impagábel.
(e grazas polo comentario, pastor eléctrico)