ferradura en tránsito

Tiña curvas ben peraltadas, cos trazos vigorosos e as sombras aplicadas sobre o sitio axeitado (17)
.............................
Saltaba á vista que a súa era unha pose moi cinematográfica, das que se aprenden para reforzo do glamour que se supón acompaña a fauna que poboa o universo desta cidade (quizais universo é  unha verba cursi nesta lea, eu preferiría poñer selva, e xa me darán a razón, xa) que o tópico alcuma como "fábrica dos soños" (17)
..............................
O  atrezzo completábase cunha mesa escritorio (18, remarcado seu)
.............................
-Xa, claro...-asentiu interpretando, porque era obvio que non tragara a miña desculpa (19, remarcado meu)
.............................
Cando o rebumbio rematou, tiven a lixeira sensación de que escoitara un "¡Corten!" e que mesmo non lle importaría repetir a escena en canto dixesen "¡Acción!" (27)
............................
Levaba o pelo solto pero curto, ao estilo Lulú (29)
...........................
Ben mirado, respondía ao arquetipo tan sobado do perdedor a volta de todo, pero a min gustábame aquela rutina de urbanita candidato ao infarto (134, remarcado seu. Pero tamén meu: Frank Soutelo, detective en Los Angeles, está ben atento aos conceptos sociolóxicos galegos, haberá urbanitas en USA?)
...........................
Estas cousas danse nas películas e nas novelas, porque soan a excesivas na vida real. Pero foi así, non era un caneo de guionista en apuros (169)
.................................................................................................
Antes comentara que o título igual resultaba transparente en exceso. Pois non, impresión errada.
Non son moitos os subliñados. Máis pódense ver a homenaxe ao cinema e a actitude narratatorial.

Fixen unha única lectura. Achei algúns aspectos argumentais pouco xustificados, mesmo incongruencias. E xa digo, foi lectura única. Nesta terceira entrega das aventuras de Frank Soutelo, o que máis me interesou non é precisamente o argumento.
Estas son algunhas notas, case monoverbais, que fun tomando:
Ollos.
Disfraces.
Descricións.
Ironía.
Cinema, literatura, parodia.
Fraseoloxía.
Expresións coloquiais.
Xogo de transparencias narratatoriais.

chuzame