ferradura en tránsito

Van os subliñados de Rúa da cancela. O certo é que se trata dun poemario que, dando o agardado, consegue transcendelo, iniciación a unha nova dimensión por detrás do cotián, case como cando a poesía está detrás de cada recanto vulgar e logra que ese vulgar recanto xa non sexa máis nunca vulgar porque o aquilo que fai dos humanos animal intelixente é a capacidade para encher/recubrir as materias da vida coas substancias únicas da lembranza da experiencia  vívida.

Hai que reflexionar sobre o valor simbólico das dúas texturas poéticas,  a poesía verical e a poesía horizontal. Por exemplo. Ou o uso de letras minúsculas en lugar de nomes. Tan pouco importa, tan pouco somos. Tan grandes coma para sentir tanto.

Hai que reflexionar tamén osbre outra cousa. Sobre a propia poesía e o seu valor como obxecto espacial. Xa o anunciara o xogo/encontro verticalidade horizontalidade. Porén, agora queremos referirnos a unha outra cara da pirámide. Se collemos un poema calquera e o escribimos en liña…vemos que consta dunhas poucas frases, porén esas frases, baixo a forma poética, adquiren un outro significado…É cando en realidade son. E  é que para ser máis do que son (do seu reducido corpo) para iso é a poesía.

agardar

tecer dous días
antes da cita

e agardar

ter tempo
para deducir espazos
perfumes   (13)

………………………..

e canda o
recendo da quinina
percibiu tenue
o sal dunha
pinga de suor
que facía real
o seu aceno
aparentemente
calmo  (15

……………………………………..

molla apenas

os beizos coa

lingua e parécelle

que  g non miraba (18)

………………………………………………….

os dedos nos

dedos nas costas son

guía e

presaxio (22)

…………………………………….

g contén no corpo o

desexo

sostido ata o

mergullar dos pes na cabeza (28)

………………

deixarse tocar

nos mapas doutro nome (32)

……………………………

A pausa non detén

o desexo  (34)

………………………………………..

dóelle a espera

na punta dos dedos (36)

…………………………………………………

pero g flúe

nos ollos

absortos

de l  (40)

………………………………

estende o tempo (42)

…………………

a lingua vai

deseñando na derme

tensa sorbendo

as pequeñas

pingas de

suor de

desexo des-

atado (46)

…………………………………….

o contacto do bico dentro do anverso dos pulsos abertos, estirados implorando o teito. cóbazo, antebrazo, pezón. As xemas aganchan o cóccix entre as sabas mentres saboreo as túas costelas. as pápebras caídas espreitan para o interior das ondas en contracción (50)

……………………………………………………….

Un outro corpo

dentro do corpo

corpos celestes a

aproximarse

irremediábeis

ao mesmo punto

exacto

da galaxia  (52)

………………………………….

o cuarto a

luz a temperatura

os restos da

noite

desaparecen  (55)