ferradura en tránsito

A non tirar pedras contra o propio tellado?

Lean: » O nacionalismo queixo apropiarse da normalización, foi un erro desastroso». Vén nesta entrevista a Henrique Monteagudo.

Porque, a ver, se o nacionalismo non turrara pola normalización (lingüística e cultura, ollo, non só lingüística) quen o ía facer: O PP, o PSOE?

Non é que o nacionalismo se apropiara da normalización. É que os demais, PP e PSOE, pasan olimpicamente. Sábeno até as pedras.

O nacionalismo cometeu e  comete erros de vulto, velaí as rúas Fraga, por exemplo. E poida que as estratexias de dinamización/defensa (lingüística e cultural) non foran as máis axeitadas. E se así é non sei a que agardan (PP, PSOE, e PP gobernando) a demostralo elaborando outras mellores.

Ora ben, ter como bandeira a normalización  non é ningín pecado. Nin moito menos.

O que é un erro: que alguén pense que apostar pola normalización é desastroso.

Iso si que é un errro desastroso.

Ai, Galiza, Galiza…se os que din mirar por ti non paran de tirar pedras contra o seu propio tellado!