ferradura en tránsito

Xuro que loitarei para que a miña lingua alcance o máis amplo uso social, dentro e fóra da miña comunidade, e obteña a máxima difusión e recoñecemento en todos os ámbitos sociais.(Noeli Pocaterra)

crónica parcial do castañazo bilingüe

Filed under: MÚSICA,POLÍTICA, SOCIEDADE, CULTURA — 4 Novembro 2013 @ 2:58 p.m.

Estaba alí cando naceu o Castañazo e estaba alí cando naceu esta segunda xeira do Castañazo aló polo 2007, que pouco ten que ver co Catañazo inicial. Xa no seu inicio, o Castañazo constituíse como o grande escaparate do rock galego, o grande festival do rock galego. E desa mesma maneira volveu recomezar. Porén dá bandazos realmente preocupantes. Xa no 2011 o cartel amosaba serias dúbidas, escoitouse máis rock ne castelán ca en galego. Porén non se chegou aos extremos de mal gustto deste Castañazo 2013, onde o rock galego foi teloneiro do rock en castelán. Abriron o concerto ExTensión Agraria e Nao, pechouno Dakidarría. Polo medio Bongo Botrako, Che Sudaka e Lendakaris Muertos. Mais iso, con ser xa moi feo, non o é todo, porque os grupos galegos tiveron menos tempo de actuación que os que cantaban en castelán. 55 minutos ExTensión Agraria; 1 hora 15 minutos para Nao, e supoño que Dakidarría tería máis tempo por iso de pecharen eles. Porén Bongo Botrako tivo 1 hora 3o minutos, igual que Che Sudaka, e Lendakaris Muertos aínda 5 mminutos máis. Compróbese aquí

Teloneiros e aínda por riba tocando menos tempo.

Teño que dicir que tanto Bongo Botrako como Che Sudaka estiveron ben. Mais non se pode confundir un concerto do Castañazo con outro máis propio das festas do Carme, das festas  do verán. Por riba de supeditar o rock galego ao de fóra, o que en si é gravísimo.

Mais é que por riba, nin Bongo Botrako nin Lendakaris Muertos representan o rock catalán ou o rock de Euskadi. En todo caso representan rock cipaio basco e catalán. Así de claro. O rock colonizado.

Cómpre ir aclarando as cousas, porque hoxe por hoxe, o Festival do Castro e o Festival da Rebusca, por exemplo, coméronlle o sitio ao Castañazo, por méritos propios e por deméritos do Castañazo, todo sexa dito. Cómpre ir pensando as cousas porque me dá a impresión de que é a propia organización do Castañazo quen non sabe que quere. Se se quere que sexa un festival máis, que fagan o favor de non usar o nome do Castañazo, para perversións xa abondan outras. E se queren que o castañazo siga sendo o Castañazo, pois xa saben…

O máis triste é que o rock galego non ten nada que envexar nin a Bongo Botrako nin a Lendakaris. Absolutamente nada. Nao deixouno ben clariño. Non agardei por Dakidarría porque xa estaba farto de tragar rock en castelán pagado con cartos galegos e aínda por riba deixando os grupos galegos en horarios subalternos. Mais Nao estiveron de chapeau. Boa música e música comprometida co país, poñen os pelos de punta, fan bailar e elevan as pulsacións cardíacasa a base dun claro compromiso cultural. Fan que un se sinta orgulloso de ser galego.

Teño por costume promocionar o Castañazo desde esta Ferradura. Notarán que este ano non o fixen, non lles dará traballo adiviñar a razón. Non quixen prexudicar. Mais agora haiq ue dicilo, porque que realmente saiu prexudicado foi o rock galego.

Todo isto sen mentar a difícil de explicar ausencia de Liviao de Marrao, xusto no ano ne que editan disco… Claro que para ser teloneiros do rock cipaio…

22 Comments

  1. O Castañazo do rock cipaio:

    […] O Castañazo do rock cipaio xmeyre.blogaliza.org/2013/11/04/cronica-parcial-do-castanazo…  por raxozorza hai 2 segundos […]

  2. Pistolo:

    Concordo por completo. Isto xa é un festival para “canis” e “poligoneros” de Vallecas. Vergoña allea deron nas últimas edicións. O vindeiro ano que lle dean os cartos directamente a Rosendo, Lokillo, Ska-p, Bosé e xente así… (ou Siempre así… hehehe). Qué peniña…

  3. O Rato fumador:

    Se fose, eu tamén me sentiría fóra de lugar. Estiven nas Revenidas: alí resucitaron Os Diplomáticos, vin por vez primeira a Fermín Muguruza, descubrín a Martelo…..
    Igual é o exemplo a seguir.

  4. xmeyre:

    Non teñen que buscar fóra da propia historia do Castañazo.Eu coñecín a Manolo Cabezabolo no Castañazo. Trátase simplemente de vontade musical e política- Se queren un festival cañí, que o fagan, mais que non usurpen, que non deturpen o nome a historia do Castañazo.
    A este paso van conseguir que, por primeira vez, haxa xente que non queira tocar no Castañazo. Non se pode tratar así de mal á xente de aquí…en beneficio do de fóra.

  5. Rafa Lobelle:

    Ola compañeiro. Dis nas primeiras liñas que ti estiveches alí, e dilo coa contundencia das falacias de autoridade, alí, no mercado gandeiro fai uns días estiveron máis de 2000 persoas tamén, un dos anos de maior asistencia (ahh!! espera douche a razón, creo que non había ningún galego, que eran todos de fóra). Eu estiven alí, pero creo que non é o mesmo alí ao que te refires ti.
    Dis que outros festivais coméronlle o sitio ao Castañazo (o punk morreu e comémolo nos din os Terbutalina), en que sentido, no do público? teñen a caso maior asistencia? fanse un día de choiva no mes de novembro ou fanse preto das festas do verán as qyue ti asocias con alevosía o Castañazo?
    Quizais dis que lle comeron o sitio pola banda do rock galego? porque traen máis grupos de aquí? Repasa a traxectoria dos grupos que pasaron polo Castañazo nos últimos anos e polo Festival do Castro, igual te atopas con sorpresas. Non estiveron a caso os mellores grupos da nosa terra en Chantada?
    Que este ano non houbo grupos galegos dicías. Só Nao e… Dakidarría, que se te pos a mirar ben cantan a maioría en castelán polo que xa non son rock galego nin gaitas, claro (non o dis, pero ben a gusto quedabas se o puxeras, como non). Mais direiche que por exemplo Dakidarría son tanto ou máis comprometidos coa nosa cultura, cos nosos movementos e colectivos sociais e cos problemas da nosa terra que moitos dos grupos que cantan en galego. En galego tamén canta ás veces o Lito da Panorama, e en castelán. E un non é mellor nin peor por cantar nunha lingua ou noutra, un é o que fai, aínda que sexa mudo. E en asuntos musicais, todo che é cuestión de gustos compañeiro, eu admiro certos grupos de rock en galeo, en castelán e en inglés e gustaríame velos no Castañazo, por suposto. E se os traen vounos ir ver.
    O país non se fai encunicándose en dous ferrados,mirando prós nosos pés, nun minifundismo crónico revertido, do nós sós. Así imos ven.

    Para concluir dis que o rock galego saiu perxudicado. Mira os tempos do primeiro castañazo e mira a escena musical de agora, cantos grupos de rock en galego hai? Foron a menos, sigamos créndonos vítimas. Nunca o rock en galego tivo tanto público como neste momento.
    E por certo, a motivación do primeiro Castañazo aló polos noventa non só era facer país como moitas veces se presupón (non vexo eu aos punkis de Kaos ou Manolo Kabezabolo na vangarda da loita pola cultura galega). Senón simplemente divertirse como me dicía fai uns días Richi dos Rastreros, facer algo alternativo nunha vila na que non se facía nada e menos en inverno. E creo que esa idea segue moi viva, a de facer algo, simplemente gozar da música, pese a xente coma ti, que creo quere que quere que realmente aquí non se faga nada ou non se faga nada se non é como un quere.

  6. Miguel:

    De verdade, hai xente que non comprendedes que fora da Canda e o Padornelo hai máis vida. Hai que abrir a mente e non ser tan pechados. Concordo plenamente co último comentario. Desde o 2007 viñeron o Castañazo: Rastreros dúas veces, Ruxe Ruxe dúas veces, Motor Perkins, Os tres trebóns, Zenzar, Skandalo GZ, Skacha, Guezos, Kogito, Cuchufellos dúas veces, Diplomáticos de Monte Alto (quenes por certo, reuníronse por primeira vez en moitísimo tempo no Castañazo no ano 2012, non no Revenidas como se di nun dos comentarios de arriba, hai que informarse ben) Os Papaqueixos, Liviao de Marrao, Dakidarría dúas veces, Alén, Falperrys, Skarallaos, Nao e Ex-Tensión Agraria. Ademais do concurso que se inaugurou este ano, única e exclusivamente con grupos galegos (algúns cantaban en castelán). Posiblemente me deixe algún grupo pero, manda carallo para un festival que non aposta pola música galega!! Non está nada mal!!
    Moi relativo o tema da lingua. Pode estar máis comprometido coa nosa cultura un castelán falante ca un galego falante xa para comezar. Pero non entremos neste tema, podería estar aquí ata mañá.
    Se estar comprometido coa cultura significa non abrirse a outras culturas, idiomas e tradicións imos apañados. Na diversidade está o gusto. Outra cousa é que pretendamos que Galicia sexa Corea do Norte. Mala cousa!!
    E por certo, lémbrovos que o Castañazo non é só a música e o festival. Temos tamén os xogos bravús, magosto popular, concurso de cantos de tabernarios nos que se entoan cancións populares da nosa terra…
    Iso é compromiso coa cultura ou que é?? Ou que pasa?? Só está un comprometido con Galicia berrando o “Galiza ceibe, poder popular”?? Só iso é compromiso con Galicia??
    A todo isto, Liviao de Marrao tocou o ano pasado sen disco no Castañazo. Iso permitiulles darse a coñecer cando apenas levaban un ano de actividade.
    Os festivais deben evolucionar, como todos nesta vida. Para min é un orgullo que grupos coma Bongo Botrako ou Lendakaris Muertos veñan á miña vila, porque sí, son de Chantada, e se cadra deberías preguntar por aquí, xa que tanto fardas de que viñeches, polo Castañazo. Pregúntalle a hosteleiros, donos de bares… A toda a xente en particular. Para gustos haberá cores por suposto. Respeto que non che guste o Castañazo, pero hai determinadas críticas que fas que considero inxustas, así coma algunhas afirmacións que prefiro non definir por non cometer o erro de entrar en calificativos, aínda que ti usas os termos rock cipaio ou perversión.
    Un saúdo.

  7. Miguel:

    De verdade, hai xente que non comprendedes que fora da Canda e o Padornelo hai máis vida. Hai que abrir a mente e non ser tan pechados. Concordo plenamente co último comentario. Desde o 2007 viñeron o Castañazo: Rastreros dúas veces, Ruxe Ruxe dúas veces, Motor Perkins, Os tres trebóns, Zenzar, Skandalo GZ, Skacha, Guezos, Kogito, Cuchufellos dúas veces, Diplomáticos de Monte Alto (quenes por certo, reuníronse por primeira vez en moitísimo tempo no Castañazo no ano 2012, non no Revenidas como se di nun dos comentarios de arriba, hai que informarse ben) Os Papaqueixos, Liviao de Marrao, Dakidarría dúas veces, Alén, Falperrys, Skarallaos, Nao e Ex-Tensión Agraria. Ademais do concurso que se inaugurou este ano, única e exclusivamente con grupos galegos (algúns cantaban en castelán). Posiblemente me deixe algún grupo pero, manda carallo para un festival que non aposta pola música galega!! Non está nada mal!!
    Moi relativo o tema da lingua. Pode estar máis comprometido coa nosa cultura un castelán falante ca un galego falante xa para comezar. Pero non entremos neste tema, podería estar aquí ata mañá.
    Se estar comprometido coa nosa cultura significa non abrirse a outras culturas, idiomas e tradicións imos apañados. Na diversidade está o gusto. Outra cousa é que pretendamos que Galicia sexa Corea do Norte. Mal asunto sería ese!!
    E por certo, lémbrovos que o Castañazo non é só a música e o festival. Temos tamén os xogos bravús, magosto popular, concurso de cantos de tabernarios nos que se entoan cancións populares da nosa terra…
    Iso é compromiso coa cultura ou que é?? Ou que pasa?? Só está un comprometido con Galicia berrando o “Galiza ceibe, poder popular”?? Só iso é compromiso con Galicia??
    A todo isto, Liviao de Marrao tocou o ano pasado sen disco no Castañazo. Iso permitiulles darse a coñecer cando apenas levaban un ano de actividade.
    Os festivais deben evolucionar, como todos nesta vida. Para min é un orgullo que grupos coma Bongo Botrako ou Lendakaris Muertos veñan á miña vila, porque sí, son de Chantada, e se cadra deberías preguntar por aquí, xa que tanto fardas de que viñeches, polo Castañazo. Pregúntalle a hosteleiros, donos de bares… A toda a xente en particular. Para gustos haberá cores por suposto. Respeto que non che guste o Castañazo, pero hai determinadas críticas que fas que considero inxustas, así coma algunhas afirmacións que prefiro non definir por non cometer o erro de entrar en calificativos, aínda que ti usas os termos rock cipaio ou perversión.
    Un saúdo.

  8. xmeyre:

    Miguel: -un festival que aposta pola música galega non a relega a teloneiros dos de fóra
    -como que non entremos no tema da lingua? Non entrariamos se falaramos de música instrumental, mais na que nos ocupa é o que marca a adhesión a una cultura ou outra
    -os festivais deben evolucionar…cando houbo “defectos” na súa concepción. Non é caso do Castañazo, que ocupa lugar moi meritorio na historia da música galega, e se xa o ocupa non é precisamente porque viñeran Bongo Botrako e deamasi deste ano.
    – Falei de Manolo Kabezabolo, veu e non pasou nada. Pero este ano non se coidaron as formas, resultou ofensivo.
    -perversión está claro o que é, cando non se respecta a esencia de algo estase a perverter o significado desa cousa. Cipaio? non inventei eu esa denominación.
    -Acudir á historia do Castañazo para xutificar a súa atención á música galega sería una tautoloxía….senón fora por castañazos como o deste ano.

  9. xmeyre:

    Rafa:
    -non teño porque negar a experiencia vivida. Porque tería que agachar o que vivín? Sería autocensurarme cando non estou comentendo ningún delicto ou falta
    -repito, non é de recibo acudir á historia do Castañazo para xustificar a atención á música galega cando o criticado foi Castañazo deste ano, onde máis que atención foi desatención
    – “Pode estar máis comprometido coa nosa cultura un castelán falante ca un galego falante xa para comezar.” Moito comproiso non hai en quen xa nin ten compromiso lingüístico. Rajoy non está máis comprometido coa cultura galega que Beiras, máis ben ao revés. Ter que aclarar isto, a estas alturas…. Cando alguén fixo lago en castelán por Galiza? Nomes e apelidos, por favor…

  10. Rafa Lobelle:

    Vou contestando aos teus tres puntos:
    – Ninguén dixo que agoches o que viviches, faltaría máis, estás opinando. Dixen (e senón revisa o comentario) que dis saber ben, coa autoridade que cres da o “eu está alí” e sei como foi a cousa en esencia e das a entender, “non coma estes organizadores que están agora que parecen non sabelo”. E ti que saberás meu home… as cousas evolucionan quen non cambia morre e creo que o Castañazo de hoxe é tan digno de levar este nome como o primeiro e nunca perdeu de vista de onde veu. Recoméndoche escoitar a canción dos Lendakaris Muertos que viñeron este ano e se chama “Esto no es punki”, fala dos puritanos, dos se cren coa autoridade de decidir o que vale e o que non dentro dun estilo e logo teñen eles o cú ao aire. Recoméndocha, se podes permitirte un tema en castelán ou sobrepasa o teu nivel de tolerancia musical?.
    En todo caso iste punto non tería demasiado interese para o debate, estiveches alí, repito, coma as máis de 2000 persoas que viñeron este ano e que ou pecan de ser pouco galegos ou son todos de fóra.

    – O segundo punto que indicas contéstase co teu primeiro, coas tuas mesmas palabras. Temos acaso que agochar a experiencia vivia? A historia do castañazo? Non interesa se cadra dicir os grupos que tocaron noutras e nesta edición? Pouco que dicir.

    – A lingua é só unha parte da cultura, importante, pero non o é todo. Esas concepcións orgánicas e pechadas da identidade colectiva non me gustan nadiña, e creo que non teñen sentido no mundo de hoxe. Hai xente abondo que fala galego e séntese completamente española e quen es ti para dicirlles que están alienados ou son parvos?.
    “Cando alguén fixo algo en castelán por Galiza?” dis. Que argumento! Raia abertamente na xenofobia, que barbaridade. Pois todos aqueles homes e mulleres que traballan na nosa terra día a día e falan castelán, xeran riqueza aquí, teñen as súas familias aquí, viven e aman este país e incluso ás veces loitan e pelexan polos dereitos desta terra. Eu coñezo un cantos e se tal preséntochos. E segundo ti, non son galegos non?. Con que autoproclamada autoridade dos herdeiros lexítimos dos fundadores da patria lles negas esta condición?. Un séntese como quere, e se se senten galegos falando castelán será por algo, atinas a saber por que?…

    E por certo, contéstaslle ao amigo Miguel, que este ano non se coidaron as formas, que o festival foi ofensivo. Tes razón nisto, concordo. Certos grupos botaron algúns tacos e frases impropias, pedimos desculpas aos ofendidos. Por favor…

  11. xmeyre:

    Vou xa farto de todo isto.
    -Se alguén quere facer un festival cañí, que o faga, ten o seu dereito. Pero que non terxiverse. Un mínimo de decencia.
    -Quen quere entender, entende. A quen só le o que quere ler nada teño que lle dicir.
    -Teño todo o dereito deste mundo a expresar a miña opinión. A ninguén ofendín facéndoo, creo eu.
    -Este Castañazo foi como foi e a min ofendeume o trato que se lle deu á musica galega.
    -Agradezo as túas recomendacións. Por certo, escoitaches algo de Elbereth Taldea?
    -A lingua só é unha parte da cultura! Miña naiciña, o que hai que ler. Debemos ser especiais por ser galegos,aquí seica non vale o significado e sentido que ten unha lingua no resto do mundo. Miña naiciña querida…

  12. Daquí:

    Non teño nada mellor que engadir que o que di Rafa. Concordo totalmente.
    As acusacións que se verten neste blogue ao Castañazo raian coa indecencia.
    Onde estiveches ti en algo algunha vez Eyré? En que sitio? Con quen falas ti en Chantada? En que movemento cultural, asociativo,… estás ti metido?
    Só unha cousiña e sen ánimo de ofender: amigo Eyré, adícate ao jazz, estano recomendando moito ultimamente.

    P.D: Galiza e Chantada débenlle un recoñecemento ao Castañazo. Si, ao de agora, deste momento e neste lugar.

  13. Miguel:

    Punto por punto contesto eu tamén.

    Primeiro punto. O cabeza de cartel deste ano (un deles) era Dakidarría. Grupo galego. E pediron eles tocar últimos polo motivo de que gravaban un videoclip. Cando contratas grupo hai claúsulas e acordos de por medio e determinadas bandas non aceptan tocar a calquera hora. Non é coller e dicir, tal grupo toca ás 2:00 e tal grupo ás 22:00. Oxalá fose tan fácil.

    Segundo punto: con respecto á lingua repito o mesmo que dixen no primeiro comentario. Para min é máis importante que un grupo sexa bo o idioma no que fale. Hai grupos que cantan en galego boísimos, e moitos deles tiveron cabida no Castañazo como puxen tamén no primeiro comentario. Oxalá no futuro veñan grandes grupos que canten en galego, en castelán ou en chino mandarín. Iso benefeciará o Castañazo, a Chantada e a Galicia. E así enlazo co tema de que un castelán falante pode estar comprometido coa nosa terra. Na Asociación que organiza o Castañazo hai castelán falantes. Ti dirías que non fan cousas por Galicia?? Desde o momento en que organizas un festival que atrae milleiro de persoas a Chantada no mes de novembro chovendo e con frío xa estás facendo algo bastante importante.

    Terceiro: entendo que un festival evoluciona precisamente cando consegue atraer a distinto tipo de público e cando fai que unha vila, neste caso Chantada, estea no mapa do rock galego, e oxalá algún día do estatal (cada vez o estamos máis). O Castañazo dos noventa ten un meritazo. Hai que quitarse o sombreiro ante eles. De momento conseguiuse que de facerse no baixo dunha obra se faga nunhas instalacións coma o mercado gandeiro. Aí hai parte de evolución. Manter as bases, saber de onde ves e medrar. Penso que ese debe ser o obxectivo, non dun festival, senón de calquera persoa.

    Cuarto: sigo sen entender a que te refires cando dis que non se coidaron as formas e que o Castañazo foi ofensivo. En serio que non o entendo. Igual te sentiches ofendido por algo que dixo alguén nun momento dado. Se te refires os grupos. Eu entrevistei para Televinte a Nao e a Ex-Tensión Agraria ó rematar os concertos e asegúroche que estaban encantados, tanto coa súa actuación coma co festival. “Que nunca se perda esta esencia” dicían os Ex-Tensión Agraria. “Sabiamos que este era un festival de boas características e as expectativas cumplíronse. Foi unha pasada”, dixo o Jasper de Nao.

    Quinto: contéstoche coas declaracións dos Ex-Tensión Agraria de novo, “que nunca se perda a esencia”.

    Sexto e último: volvo acudir ós grupos galegos que viñeron o Castañazo desde o 2007, telos no meu primeiro comentario. E tamén ó concurso de cantos tabernarios.

    Respeto a todo o mundo, igual que tes que facer ti. É lícito que o Castañazo non che guste. Pero entende que cando emites opinións tan directas pode haber xente que non estea de acordo e ten o mesmo dereito a contestarche e rebatirche que ti a facer as críticas que fas. Mantendo que algunhas delas son tremendamente inxustas.

    Boas noites.

  14. xmeyre:

    Non vou repetir o que tantas veces dixen xa. Podo entender que haxa quen defenda a fórmula deste Castañazo, non serei eu. Refírome aos concertos, non a outra cousa, falo do que vivín e como o vivín. No tocante ás declaración á tv, home!, só faltaba que falaran mal. Porén este Castañazo, no apartado musical, sempre me pareceu que non fiaban nada fino, que ten bastante descoñecemento da actualidade e historia do rock na Galiza. Evidentemente falo desde fóra, como ti dis, Miguel. Igual a organización me tapa a boca evidenciando a imposibilidade de traer a alguna xentes, algúns nomes que boto en falta, por poñer un exemplo…

  15. xmeyre:

    Daquí: se non o sabes pregunta, una resposta completa darache información desde o ano 1977 a hoxe.

  16. xmeyre:

    Daquí: esquecíame a PD, o Castañazo orixinal entrou na historia de Galicia, pola porta grande. Dubido que este actual Castañazo poida facer algo que se lle pareza.

  17. el petas:

    bua chorbos,dejad estas movidas,lo que lo peta es la musica no lo que hablen.el problema son los pavos de la entrada,enrrollarse un poco y ponerlo de free.

  18. Daquí:

    Non teño nada que preguntar. O problema é que te coñezo. Reafírmome no que dixen.
    Poste na mesma posición que os sectores máis reaccionarios do pobo, que nunca aturaron o Castañazo (“esos chavales extremistas”) e viven de costas a el, mentras organizan parvadas con cartos oficiais (dende concentracións de motos ata festas da sidra, pasando polas estupendas festas do Carmen, ou ….eu que sei).
    A pesar do teu purismo talibán, o cartel de este ano foi moi, pero moi aceptable. Moito máis se temos en conta os tempos que estamos a vivir.
    Sigo pensando que este pobo débelle un recoñecemento. Non so pola calidade, que tamén; sobre todo polo bo facer, e por demostrar ano tras ano que son un exemplo de educación, de civismo e de loita pola cultura, si, pola cultura neste pobo.
    Como te coñezo, volvo facerche a mesma pregunta: ti con quen falas no pobo? E como non contestas, vou ser eu quen o diga: con ninguén.
    E eso explica, sen dúbida, a túa mala baba e o teu talibanismo.

  19. o poeta do pobo:

    toma castañazo no morrazo
    porque non foi martes
    e foi un chuminazo
    e por iso non pases

    viñeron uns tipos
    que falaban castelan
    seica eran uns bolos
    mais sucios cun can

    con isto me despido
    a tomar un cubalibre
    non sexas estupido
    que da foda non hai que ten libre

    sen mas dilacion
    viva rusia comunista
    esa gran nacion
    que è moi lista

    fin.

  20. o poeta da nomenklatura:

    O amado líder da nosa nación
    Ao Gulag nos quere mandar
    non lle gusta a nosa condición
    E por iso nos manda calar

    Este noso Gran Irmán
    Que vive mais alá do ben e o mal
    Non vos é máis ca un pastran
    Con pezoña no padal

    A min que me chaman sudaka
    E me gusta o castañazo
    Non me queren no país das vacas
    Porque seica son un cipaio paiaso

    Vivan os lendakaris e o oso panda
    Os punkis non temos ídolos
    Que estes comunistas de patraña
    Non aceptan outros pobos

    Viva a anarquía, a liberdade e o castañazo

  21. Gaiteiro:

    A verda é que levo varios días mordendo a lingua e non tiña pensado escribir nada porque xente coma Rafa, Miguel ou Daquí o dixeron todo. Ademáis cando unha persoa se encerra nas suas ideas e non ten intención de entender ós demais e ver que non sempre leva a razón,é inútil seguir dialogando.
    Pero houbo unha cousa que non che vou consentir e é o que me fixo escribir. Dis “Porén este Castañazo, no apartado musical, sempre me pareceu que non fiaban nada fino, que ten bastante descoñecemento da actualidade e historia do rock na Galiza”, quen es ti para decir que dende a organización temos descoñecemento da actualidade e historia do rock na Galiza?
    Pódoche decir que houbo mínimo unha persoa da organización en cada un dos festivais deste tipo en Galicia(entre outros os que ti dis agora que nos comeron o sitio, pero ademáis outros moitos como:Revenidas, Reperkusión, O Paradiso, Ponte Louco, etc).
    Non vou facer coma ti e xulgar o teu coñecemento ou descoñecemento do panorama musical tanto actual coma histórico. Eso vouno deixar ó libre pensamento de cada un, mais con todos os teus comentarios retrátaste bastante.

  22. xmeyre:

    É unha gozada observar como a creatividade se manifresta.
    É unha mágoa observar como a crítica non é aceptada, e aínda por riba te alcuman de talibán.
    Non deixa de ter a súa graza comprobar como a xente se preocupa de con quen falo, se cadra falo con calquera menos con quen iso escribiu. E non albisco explicación da importancia que pode ter con quen eu fale.
    Non deixa de se contraditorio: teño que ser eu alguén para dicir o que quero dicir?, ou o problema é que como o que digo non gusta hai que calarme a boca?
    Dicía o Susiño: seriedade pouca, pero que dure,

RSS feed for comments on this post.

Sorry, the comment form is closed at this time.