ferradura en tránsito

Xuro que loitarei para que a miña lingua alcance o máis amplo uso social, dentro e fóra da miña comunidade, e obteña a máxima difusión e recoñecemento en todos os ámbitos sociais.(Noeli Pocaterra)

dez consellos para ler Literatura Mínima

1.-A ficción mínima conta máis do que di. Presenta unha particular e nova gramática semántica.
2.-Non respecta nin obedece as leis que rexen o mundo real, nin ás prescripcións xenéricas.
3.-Nin ao xeito tradicional de ler, non require continuidade no acto da lectura, pero si moita imaxinación.
4.-Estimula a ilusión por soñar, abéirate á bendición da fantasía, ela é a única verdade universal, a única dimensión non contaminada pola arrogancia racional humana.
5.-Dubida de todo, non existen certezas absolutas, non hai regras.
6.-Estás preparado para o inaudito?.
7.- Lembra, contar unha historia é suxerir outra. O autor suxire, pero o auténtico dono da historia é o lector, ti es quen lle dá forma definitiva na túa mente, o dono do infinito.
8.- Perde o medo, apaixónate, libérate, reacciona, crea: le.
9.-Que non che importe esquecer rapidamente o lido, cada nova lectura dará do texto outra versión distinta: os textos mínimos varían segundo o contexto que ti lles proporciones.
10.-Es libre. Follea, segue a orde que ti queiras. Pero, despois de ler, rele e non perdas detalle, cuestiónate todo, pregúntate por todo.